თბილისში, "აგენტების კანონის" საწინააღმდეგო აქციაზე მოქალაქეს თვალი დაუზიანდა - ტვ პირველის კადრებში ჩანს ახალგაზრდა კაცი, რომელსაც სახე თვალის გარშემო სრულად დასისხლიანებული აქვს. მან დაზიანება სავარაუდოდ რეზინის ტყვიით ჩიტაძის ქუჩაზე მიიღო - კადრებში, რომელსაც მედია არცელებს, ის კინო რუსთაველის შენობის წინ ჩანს და სავარაუდოდ სასწრაფო სამედიცინო დახმარების ეპიკაჟთან მიყავთ აქციის სხვა მონაწილეებს. რადიო თავისუფლების ინფორმაციით, დაშავებული მოქალაქე ნიუ ჰოსპიტალში წაიყვანეს სამედიცინო დახმარების მისაღებად. როგორც კლინიკაში გვითხრეს, მას კვლევები უტარდება და მდგომარეობის სიმძიმის შესახებ ინფორმაციას მოგვიანებით დააზუსტებენ. ნიუ ჰოსპიტალში თვალდაზიანებული მოქალაქის გარდა გადაყვანილია კიდევ ერთი მოქალაქე, რომლის მდგომარეობა შედარებით მსუბუქია - მას სასუნთქი გზები აქვს დაზიანებული.три რუსთაველის გამზირზე სავარაუდოდ დახშულია კომუნიკაციებიც - ტელეფონის და ინტერნეტის სიგნალი სუსტია, თითქმის შეუძლებელია პირდაპირი ეთერის ჩასართავად საჭირო ტექნიკის გამოყენებაც. ასევე ნახეთ პარლამენტმა „აგენტების კანონი“ მეორე მოსმენით მიიღო ...