„უცხოეთის აგენტების“ კანონს პარლამენტის პლენარულ სხდომაზე კვლავ მეორე მოსმენით, მუხლობრივად განიხილავენ. სხდომა ოპოზიციის დეპუტატების პროტესტის ფონზე მიმდინარეობს. პარლამენტის სპიკერი შალვა პაპუაშვილი ოპოზიციის დეპუტატებს სიტყვით გამოსვლის დროს მიკროფონს უთიშავს და მოუწოდებს, კანონპროექტის კონკრეტულ მუხლზე ილაპარაკონ. პაპუაშვილმა ოპოზიციონერ დეპუტატს, თაკო ჩარკვიანს, დარბაზი დაატოვებინა, მანამდე კი მიკროფონის გათიშვის შემდეგ საუბრის გაგრძელების გამო გაფრთხილება მისცა. წუხელ, კანონპროექტის განხილვის დასრულების შემდეგ, პარლამენტის გარშემო შეკრებილი მოქალაქეების წინააღმდეგ, რომლებიც „აგენტების კანონს“ აპროტესტებდნენ, პოლიციამ გამოიყენა ცრემლმდენი გაზი, წყლის ჭავლი და სავარაუდოდ, წიწაკის სპრეი. ამასთან, ფიზიკურად გაუსწორდნენ აქციის მონაწილეებს. აქციაზე დაშავდა არაერთი ადამიანი, მათ შორის სასტიკადაა ნაცემი პარტია „ნაციონალური მოძრაობის“ თავმჯდომარე, დეპუტატი ლევან ხაბეიშვილი. სხდომის გახსნისას, პარლამენტის თავმჯდომარემ შალვა პაპუაშვილმა განაცხადა, რომ ლევან ხაბეიშვილს საშუალება ექნება, ამ საკითხთან დაკავშირებით ისაუბროს. „სამართლებრივ დასკვნებს გამოიტანს გამოძიება“, - აღნიშნა პაპუაშვილმა. პარლამენტის სპიკერის თქმით, „გუშინ ჩვენ ვიხილეთ, რომ პოლიტიკოსების მიერ აქცია იქნა გადაზრდილი ძალადობაში... გუშინ მოხდა პარლამენტის შენობის უკანონო პიკეტირება პოლიტიკური ლიდერების მხრიდან. ყველა ვხედავდით ამას პირდაპირ ეთერში. თუ გსურთ პროტესტის გამოხატვა, ამისთვის არსებობს მშვიდობიანი ფორმები. როდესაც გასცდება მშვიდობიან ფორმებს, ვალდებულია შსს, ჩაერიოს“.три „ალბათ ბევრს გიხარიათ, რომ ნახეთ, როგორი სახე მაქვს. საქმის კურსში მინდა ჩაგაყენოთ. არ გაინტერესებთ, რა მოხდა?! შემომხედეთ ერთ თვალში მაინც. კოლეგები ხართ და გეტყვით, რა მოხდა რეალურად“, - თქვა ლევან ხაბეიშვილმა. три პარლამენტის თავმჯდომარის ბრძანებით, პარლამენტში ისევ „უსაფრთხოების ყვითელი დონე“ მოქმედებს. პარლამენტის ინფორმაციით, შენობაში დაიშვებიან ტელემაუწყებლების/ტელემედია საშუალებების არაუმეტეს ორი აკრედიტებული ჯგუფი თითო მაუწყებლიდან. მუშაობა კვლავ შეზღუდული აქვს ონლაინმედიას, მათ შორის, რადიო თავისუფლებას. 1 მაისს, ღამით, საპროტესტო აქციაზე გამოიკვეთა ნიღბიანი ადამიანი, რომელიც სპეცრაზმელების მხარეს იდგა და დემონსტრანტებს სახეში მუშტს ურტყამდა. შს მინისტრის მოადგილის, ალექსანდრე დარახველიძის თქმით, „აგენტების კანონის“ საწინააღმდეგო აქციაზე პოლიციამ დააკავა 63 მოქალაქე და დაშავდა ექვსი სამართალდამცველი. ასევე ნახეთ აქციაზე დაკავებულია 63 ადამიანი, დაშავდა ექვსი პოლიციელი - შს მინისტრის მოადგილე ჯანდაცვის სამინისტროს ინფორმაციით, "აგენტების კანონის" წინააღმდეგ 30 აპრილს გამართული აქ...